ЕУРОМЕЛАНОМА 2018 - Европска кампања за спречување на рак на кожа
РАКОТ НА КОЖАТА Е ПРОБЛЕМ ВО ЕВРОПА
Дали знаете дека ракот на кожата е најчестата форма на рак?
Бројот на случаи на рак на кожа расте многу побрзо во споредба со другите форми на рак. Секоја година се регистрираат повеќе од 3,5 милиони нови случаи на рак на кожа во Европа.
Карциномите на кожа се приоритетен глобален јавно-здравствен проблем. Инциденцата е се поголема во последните децении и во развиените и во неразвиените земји. Карциномите на кожа се со алармантен пораст во светот. Според Светската здравствена организација, 2-3 милиони луѓе годишно заболува од немеланомските форми на карцином на кожа, од кои 130.000 од најмалигниот меѓу нив, меланом. Во зависност од географската област, бројот на нови случаи во светот расте меѓу 3 и 7 проценти годишно.
Ракот на кожата не смее да претставува растечки проблем и може да се лекува, ако се открие во раната фаза на развој
Најважно е да не го одложувате третманот, со една единствена цел - најдобар можен исход без компликации или смрт.
Златни правила се:
- Не ја игнорирајте промената во надеж дека ќе се повлече
- Немојте да чекате како ќе се развива промената или сами да ја лечите.
- Не претпоставувајте дека промената не е сериозна
- Немојте да мислите дека во моментот имате поважни работи во животот
- Најважно од се е да не се плашите да го посетите Вашиот дерматолог
Ако имате промена на кожата која Ве загрижува, консултирајте го Вашиот дерматолог што побрзо!
Карциномите на кожа може да се превенираат. Превенцијата на кожните карциноми се состои од избегнување на факторите на ризик и редовни самопрегледи на кожата.
Бесплатни прегледи
29-31мај 2018
Tрадиционално и оваа година во нашата земја дерматолозите организираат здравствено-превентивна кампања за подигнување на јавната свест во борбата против ракот на кожата под мотото:
РАКОТ НА КОЖАТА Е ПРОБЛЕМ ВО МАКЕДОНИЈА
За ЕУРОМЕЛАНОМА 2018...
Кампањата Еуромеланома 2018 е насочена кон информирање на населението дека ракот на кожата може да се превенира ако се открие рано.
Основните цели на кампањата се:
- превенција и рано откривање на меланом и други типови на рак на кожа
- информирање за факторите на ризик за настанување на ракот на кожата
- освестување на населението за опасностите од прекумерното изложување на сонце и солариуми
- запознавање со правилните начини за заштита на кожата од штетното дејство на ултравиолетовото зрачење од природни и вештачки извори
Главната активност на кампањата ЕУРОМЕЛАНОМА 2018 се бесплатните прегледи на сомнителните дамки на кожата во дерматолошките институции низ Р.Македонија во периодот од 29-31 мај 2018
Комплетна листа на државни и приватни дерматолошки институции во Р.Македонија во здравствено-превентивната кампања ЕУРОМЕЛАНОМА Македонија 2018
