Здраво Изложување На Сонце

Секако дека изложувањето на сонце има и многу добри страни. Тоа може да користи за нашето психичко здравје и му овозможува на телото да произведе витамин Д. Витаминот Д е исклучително важен за нашето здравје, а ние воглавно добиваме ограничени количини на витамин Д ако не конзумираме поголеми количини храна како што се некои видови риби. Меѓутоа, постојат јасни докази дека изложувањето на сонце во тек на годишни одмори, особено со последователни изгореници, доведува до голем пораст на зачестеностa на меланом меѓу индивидуи кои имаат светол тен и голем број невуси. За да се исконтролира овој загрижувачки тренд, неопходно е да се намали овој тип на изложеност кај чувствителни индивидуи. Меѓутоа, бидејќи витаминот Д е многу важен за човечкото здравје, неопходно е се внесуваат адекватни количини, за да се спречи недостатокот на овој витамин.

Ни преостанаа неколку клучни прашања во врска со витаминот Д, како што се: “кои се максималните нивоа на витамините?” и “како да се постигнат?” Во студиите кои се однесуваат на ризикот од кардиоваскуларни болести1, како штетни се обележани и ниски и високи нивои на витамин Д, така што постои загриженост во врска со препораката која треба да се даде. Високите нивоа исто така може да го зголемат ризикот од развој на камен во бубрег и да предизвикаат супресија (слабеење) на имуниот систем. Нивоата на витамин Д за кои се смета (за кои многумина се сложуваат) дека имаат добар ефект се движат околу 70 nmol/L (иако и ова ниво е предмет на дискусија).  

Иако сликата се чини комплицирана, може да се прати јасна порака:

- Избегнувајте сончање кое доведува до појава на изгореници

- Избегнувајте долготрајно, ексцесивно изложување на сонце

- Избегнувајте појава на дефицит на витамин Д. Ако живеете во Европа и морате да избегнувате сонце, земајте суплементи спрема вашите    национални препораки

- Запознајте ја својата кожа и грижете се за неа

 

1.    Wang, T. J.; Pencina, M. J.; Booth, S. L.; Jacques, P. F.; Ingelsson, E.; Lanier, K.; Benjamin, E. J.; D'Agostino, R. B.; Wolf, M.; Vasan, R. S., Vitamin D deficiency and risk of cardiovascular disease. Circulation 2008, 117, (4), 503-11.